Ақмола колледжі

АҚМОЛА КОЛЛЕДЖДЕРІНЕ 2024 ЖЫЛЫ ҚАЛАЙ ТҮСУГЕ БОЛАДЫ?

Ақмола облысында 29 білім беру ұйымы техникалық және кәсіптік білім беруді жүзеге асырады. Оның ішінде 22 мемлекеттік колледж (Білім басқармасына қарасты 20 колледж) және 7 жекеменшік колледж бар.
2024-2025 оқу жылында Үкіметтің қолдауымен колледждерде 5600 бірінші курс студенттері тегін білім ала алады. 
Бүгінгі таңда облыс колледждеріне құжаттарды қабылдау жалғасуда. Қазіргі уақытта талапкерлерден 4700-ге жуық өтініш қабылданды.
Болашақ колледж студенттері құжаттарды тікелей колледждерде немесе College SmartNation ақпараттық жүйесі арқылы тапсыра алады.
Конкурс білім туралы құжатқа сәйкес міндетті және бейінді пәндердің бағаларын орташа конкурстық балл бойынша бөлу жолымен автоматтандырылған түрде өткізіледі.
Ауыл шаруашылығы өндірісінің тракторшы - машинисі, аспаз, кондитер, тігінші, дәнекерлеуші, кең бейінді шебер-құрылысшы және т.б. сияқты жұмыс біліктіліктерін дайындауға арналған құжаттар әңгімелесу нәтижелері бойынша 25 тамызға дейін қабылданады.
Жаңа оқу жылында студенттерді дуальды оқытумен қамтуды арттыру бойынша жұмыс жалғасады. Бүгінгі таңда бұл технология 5 мыңға жуық студентті қамтитын 26 колледжде енгізілді.
Еңбек нарығында сұранысқа ие мамандықтар бойынша жаңа білім беру лицензияларын алу бойынша жұмыс жүргізілді: мехатроника, ландшафтық дизайн, құрылыстағы сметалық іс, логопедия және т. б. 
Колледждер базасында 31 құзыреттілік орталығы құрылды, олар заманауи жабдықтармен жабдықталған. Ағымдағы жылдың ақпан айында Көкшетау қаласының жоғары техникалық колледжінің базасында «Электромобильдер мен гибридті автомобильдерді диагностикалау және оларға қызмет көрсету тренингтік орталығы» құзыреттілік орталығы ашылды. 
Колледждерде 9 шағын кәсіпорын және 11 оқу шаруашылықтары жұмыс істейді. Ағымдағы жылдың сәуір айында Красный Яр ауылының көпсалалы инновациялық колледжінің базасында элеваторлық жабдықтың құрамдас бөліктерін шығаратын шағын кәсіпорын ашылды. 
Колледж студенттері WorldSkills жұмысшы мамандықтар байқауына қатысу арқылы кәсіби дағдыларын арттыруға мүмкіндік алады. Мәселен, ағымдағы жылы Көкшетау қаласының жоғары техникалық, құрылыс-технологиялық колледждерінің және Шағалалы ауылының жоғары агротехникалық колледжінің студенттері Франциядағы WorldSkills-Lion 47-ші кәсіби шеберлік әлем чемпионатында «Шанақты жөндеу», «Сырлау және сәндік жұмыстар», «Электрмен жабдықтау» құзыреттіліктері бойынша біздің республикамыздың намысын қорғайды.